Um okkur
Olifa La Madre Pizza er hugarfóstur hjónanna Ásu Maríu Reginsdóttur og Emils Hallfreðssonar, knattspyrnumannsins kunna, en þau hafa búið á Ítalíu síðastliðin 15 ár þar sem Emil hefur leikið knattspyrnu. Olifa ferðalagið hófst í eldhúsinu hjá þeim á Ítalíu þegar þau stofna Olifa fyrirtækið og hófu að flytja inn ítalskar upprunavottaðar jómfrúarolíur og fleiri hágæða upprunavottaðar vörur undir merkjum Olifa. Nú hefur þetta ferðalag borið nýjan ávöxt í Pala pizzunum á Olifa La Madre pizza.
Olifa La Madre Pizza er staðsett í Reykjavík, á Suðurlandsbraut 12 þar sem Eldsmiðjan var áður til húsa.
Pala Pizza
Pala pizza heitir tegund pizzunnar sem Olifa hefur nú fært Íslendingum. Þetta er ný gerð af pizzu sem nýtur sívaxandi vinsælda á Ítalíu, höfuðvígi pizzunnar í heiminum. Pala pizza er ólík hinni hefðbundnu Pizza Napoletana á marga vegu, sér í lagi að hún er ekki hringlaga heldur ferhyrnd. Pizzan dregur nafn sitt af ílangri viðarskóflu, Pala, sem notuð er til þess að færa pizzadeigið í ofninn.
Við hvetjum áhugasama til að fylgjast með Olifa á instagram og einnig með Ásu Regins þar sem hún sýnir reglulega frá lífi sínu og fjölskyldunnar í Verona á Ítalíu.
